राष्ट्रपति विरूद्ध देउवा पत्नी अार्जुले लगाइन यस्तो अारोप

काठमाडाैँ । राष्ट्रिय सभामा नियुक्त हुने तीन सिटमा पूर्व प्रधानमन्त्री शेरबहादुर देउवाले गरेको सिफारिस कार्यान्वयन नगरेर राष्ट्रपति विद्यादेवी भण्डारीले संविधानको घोर उल्लंघन गरेको आरोप देउवा पत्नी आरजु राणा देउवाले लगाएकी छन्। मंगलबार साँझ सामाजिक सञ्जाल फेसबुकमार्फत् पूर्व प्रधानमन्त्री पत्नी राणाले यस्तो आरोप लगाएकी हुन्।

नेपालको संविधान अनुसार आलङ्कारिक रहनुपर्ने महामहिम राष्ट्रपतिज्यूबाटै संविधानको घोर उलङ्घन भएको छ ’ आरजुले भनेकी छन्, ‘शेरबहादुर देउवा सरकारको पालामा गरिएको राष्ट्रिय सभाका ३ जना सदस्यहरूको नियुक्ति सिफारिसलाई राष्ट्रपतिज्यूले पर्याप्त समय हुँदाहुँदै पनि अनुमोदन नगरी त्यसपछि गठन भएको सरकारले गरेको नितान्त फरक व्यक्तिहरुको सिफारिस चाहिँ तुरुन्तै अनुमोदन गर्नुले गरिमामय संविधानको उलङ्घन भएको हो।’

तपाईको प्रतिक्रिया

सम्बन्धित समाचार