​आज चन्द्रग्रहण, ज्योतिषी भन्छन् : बिहान ८ बजेर ५५ मिनेटदेखि अन्न नखानु राम्रो


काठमाण्डौं । बुधबार खग्रास चन्द्रग्रहण लाग्दैछ । बेलुकी ५ बजेर ५५ मिनेटमा चन्द्रमा उदाउनुअघि नै ग्रहण सुरु हुने नेपाल पञ्चांग निर्णायक समितिले जनाएको छ ।

समितिका सदस्यसचिव सूर्यप्रसाद ढुंगेलका अनुसार ५ बजेर ३२ मिनेटमा ग्रहण सुरु हुने भएपनि नेपालमा ५ बजेर ५५ मिनेटमा चन्द्रमा उदाउने भएकाले त्योबेलादेखि ग्रहणको स्पर्श भएको मानिनेछ ।

बेलुकी ८ बजेर ५७ मिनेटमा ग्रहण सकिने पनि उनले जानकारी दिए। ग्रहण सुरु हुनु पहिले नै सूतक बार्नुपर्ने भएकाले बिहान ८ बजेर ५५ मिनेटदेखि अन्न नखानु राम्रो हुने उनको भनाई छ ।

‘बालक, बृद्ध, गर्भवती, सुत्केरीबाहेक अरु सक्नेहरुले बिहान ८ बजेर ५५ मिनेटदेखि बेलुकी ८ बजेर ५७ मिनेटसम्म अन्न नखाँदा राम्रो हुन्छ’ उनले भने, ‘अन्नको सट्टा फलफूल, पानी खान सकिन्छ ।’

ग्रहण लागेको बेला त्यसको विकिरणले स्वास्थ्यमा असर गर्ने भएकाले नांगो आँखाले नहेर्न र सावधानी अपनाउन वैज्ञानिकहरुले पनि आग्रह गरेका छन् ।

तपाईको प्रतिक्रिया

सम्बन्धित समाचार