प्रदेश नं ५ को राजधानी दाङमा हुनपर्ने माग गर्दै प्रदर्शन

 225 पटक हेरिएको


प्रदेश नं ५ को राजधानी दाङमा हुनुपर्ने माग गर्दै आज प्रदर्शन भएको छ। बुटवल क्षेत्रका जनताले त्यहाँ राजधानी बनाउन लबिङ थालेको भन्दै दाङमा त्यसको विरोधमा प्रदर्शन भएको हो।

तुलसीपुरमा आज जनदबाब भन्दै –याली निकाली कोणसभासमेत भएको छ। कोणसभालाई सम्बोधन गर्दै उच्च अदालत तुलसीपुरमै रहेको, प्रदेश प्रहरी प्रमुखको कार्यालय तुलसीपुरमै रहेको, रेडियो नेपालको प्रदेशस्तरीय रिले स्टेशन तुलसीपुरमै रहेको, पहिलो बैठकका लागि भवनसमेत तयार भएको अवस्थामा यसविपरीत बुटवल राजधानी बनाइने हल्ला चलाएकाले त्यसको पछाडि नलाग्नसमेत स्थानीयवासीलाई सचेत गराइएको छ।

कोणसभालाई सम्बोधन गर्दै नागरिक समाज, दाङका संयोजक टीकाराम रेग्मीले दाङ राजधानी भएन भने त्यो घोषणा भएको दश मिनेटमै नागरिकले आन्दोलन छेड्ने र केन्द्रमा घेर्नेसम्म बताए।

तपाईको प्रतिक्रिया

सम्बन्धित समाचार