यो वर्ष भित्र कम्तीमा ६१ करोड थान कोभिड–१९ विरुद्धको खोप उत्पादन गर्ने चीनको घोषणा

  झझल्को न्युज डेस्क  168 पटक हेरिएको

चीनले यस वर्षको अन्त्यसम्ममा कम्तीमा ६१ करोड थान कोभिड–१९ विरुद्धको खोप उत्पादन गर्ने घोषणा गरेको छ।

चिनियाँ अधिकारीहरूले शुक्रबार विश्वभर विभिन्न नौ खोप परीक्षणको अन्तिम चरणमा रहेका बेला कोभिड–१९ बिरुद्धको खोप विकास कार्यक्रममा ‘अग्रणी भूमिका’ खेलेको चीनले यस्तो घोषणा गरेको हो ।

चिनियाँ स्वास्थ्य अधिकारीहरूले शुक्रबार पत्रकार सम्मेलन गर्दै सञ्चारकर्मीसँग भने, “चीनले यस वर्षको अन्त्यसम्म कोभिड–१९ विरुद्धको करिब ६१ करोड मात्रा उत्पादन गर्ने विश्वास राखेको छ । खोपको उत्पादनको वार्षिक उत्पादन क्षमता अर्को बर्षसम्म कम्तीमा एक अरब डोजमा पुग्नेछ ।”

विज्ञान तथा प्रविधि मन्त्रालयका वु युआनबिनले भने, “चीनले ११ वटा खोपको क्लिनिकल परीक्षणमा प्रवेश गरिसकेको र सहज रूपमा प्रगति भइरहेको छ ।” “अहिले चीनको कोभिड–१९ खोप अनुसन्धान र विकास कार्य समग्रमा अग्रणी स्थितिमा रहेको छ,” वुले भने ।

उनले थपे, “हामीले क्लिनिकल परीक्षणका क्रममा खोपको सुरक्षालाई अति राम्रो अवस्थामा पाएका छौँ । परीक्षणमा रहेका खोपबाट कुनै प्रतिकूल प्रतिक्रिया देखेका छैनौँ ।” चीनले गत जुलाईदेखि कन्दरगाह, अस्पताल तथा अति जोखिम रहेका सयौँ हजार व्यक्ति ९स्वयम्सेवक० मा परीक्षण गरिरहेको र खोप परीक्षणले विश्व स्वास्थ्य संगठनबाट सहयोग पाइरहेको दावी चीनको छ ।

“अहिलेसम्म कोविड आपतकालिन खोप कार्यक्रममा सबै सहभागीमा गम्भीर प्रतिकूल प्रतिक्रिया देखाएको छैन,” चिनियाँ राष्ट्रिय स्वास्थ्य आयोगका झेङ झोङवेले उक्त अवसरमा भने । उनले खोपको क्षमताबारे विश्व स्वास्थ्य संगठनबाट पूर्ण मान्यता भने दिन अझै केही समय लाग्ने बताए । चीनमा उत्पादिन खोप आम जनताको पहुँचका लागि सस्तो हुने उनले बताए ।

तपाईको प्रतिक्रिया

सम्बन्धित समाचार