थप ४२१ जनामा कोरोना संक्रमण पुष्टि, संक्रमितको जम्मा संख्या ९ हजार नाघ्यो, कहाँ कति ? हेर्नूहोस्

  झझल्को सम्वाददाता  700 पटक हेरिएको

७ असार, काठमाडौं ।
नेपाल आज थप ४२१ जनामा कोरोना भाइरसको संक्रमण पुष्टि भएको छ । योसंगै नेपालमा कोरोना संक्रमितको कूल संख्या ९ हजार २६ पुगेको छ । जसमा ८२० महिला र ८ हजार २०६ जना पुरुष रहेका छन् । पछिल्लो २४ घण्टामा २२ वटा प्रयोगशालाबाट ६ हजार ८ वटा स्वाबको आरटी(पीसीआर पद्धतिबाट परीक्षण गरिएकोमा त्यसमध्ये ४२१ जनामा संक्रमण पुष्टि भएको हो।

आज संक्रमण पुष्टि भएकामध्ये कोशी अस्पताल प्रयोगशालामा झापाका ६ जना, उदयपुरका ५, मोरङका २ र सुनसरीका ४ जनामा संक्रमण पुष्टि भएको स्वास्थ्य मन्त्रालयका प्रवक्ता डाक्टर जागेश्वर देवकोटाले जानकारी दिए।

त्यस्तै प्रादेशिक प्रयोगशाला विराटनगरमा गरिएको परीक्षणमा धनुषाका ८, महोत्तरीका २ र सप्तरीका २ जनामा पनि संक्रमण पुष्टि भएको छ। नारायणी अस्पताल प्रयोगशालामा गरिएको परीक्षणमा बाराका ३ जनामा पनि कोरोना भाइरसको संक्रमण पुष्टि भएको छ।

त्यस्तै राष्ट्रिय जनस्वास्थ्य प्रयोगशाला टेकुमा गरिएको परीक्षणमा अर्घाखाँचीका १६ जना, डडेलधुराका १४ र डोटीका १६ जनामा संक्रमण पुष्टि भएको छ। त्यस्तै टेकुमै गरिएको परीक्षणमा सिराहाका ५२ जना, नवलपरासी पश्चिममा २१ जना, प्युठानका २० जना, कपिलवस्तुका ११ जना, सर्लाहीका ५ जना र रामेछाप, रुपन्देही र नुवाकोटका एकरएक जनामा संक्रमण पुष्टि भएको छ।

त्यस्तै शुक्राराज ट्रपिकल अस्पताल प्रयोगशाला टेकुमा गरिएको परीक्षणमा ललितपुरका १ र पाल्पाका २ जनामा संक्रमण पुष्टि भएको छ। धुलिखेल अस्पतालमा गरिएको परीक्षणमा अर्घाखाँचीका ४९ जनामा संक्रमण पुष्टि भएको छ।

पोखरा स्वास्थ्य विज्ञान प्रतिष्ठान प्रयोगशालामा गरिएको परीक्षणमा बाग्लुङका २३ जना, कास्कीका १ जना र स्याङ्जाका १० जनामा संक्रमण पुष्टि भएको छ। त्यस्तै संक्रमण पुष्टि हुनेमा मुस्ताङका १, म्याग्दीका ४, नवलपरासी पूर्वका २, तनहुँका ४ र पर्वतका २ जना रहेका छन्।

त्यस्तै प्रादेशिक प्रयोगशाला रुपन्देहीमा गरिएको परीक्षणमा कपिलवस्तुका १४ जना, अर्घाखाँचीका ९ जना गुल्मीका २ जनामा संक्रमण पुष्टि भएको छ। त्यस्तै नवलपरासी पश्चिमका १ जना, पाल्पाका २ र रुपन्देहीका एक जनामा पनि संक्रमण पुष्टि भएको छ। त्यस्तै भेरी अस्पताल प्रयोगशालामा बाँकेका १ बर्दिया र रोल्पाका ३ ३ जनामा पनि संक्रमण पुष्टि भएको छ। राप्ती स्वास्थ्य विज्ञान प्रतिष्ठान दाङमा गरिएको परीक्षणमा दाङका १० जना र रोल्पाका १ जनामा पनि संक्रमण पुष्टि भएको छ।

सुर्खेतमा गरिएको परीक्षणमा दैलेखका १, सल्यानका ६ र सुर्खेतका ३ जनामा संक्रमण पुष्टि भएको छ। सेती अस्पताल प्रयोगशालामा गरिएको परीक्षणमा अछामका २, बैतडीका ३ र बझाङका २ जनामा संक्रमण पुष्टि भएको छ। त्यस्तै डडेलधुराका २७, कैलालीका २४, डोटीका ११ र कञ्चनपुरका १ जनामा पनि कोरोना भाइरसको संक्रमण पुष्टि भएको छ।

आज संक्रमण पुष्टि भएका मध्ये ६४ महिला र ३५७ पुरुष रहेका छन्। हालसम्म कुल संक्रमित ९ हजार १६ जनामध्ये ८२० महिला र ८ हजार २०६ पुरुष रहेका छन्। संक्रमितमध्ये सात हजार २३१ जना आइसोलेसनमा रहेका छन् भने एक हजार ७७२ जना डिस्चार्ज भएका छन्। आज मात्रै १९४ जना संक्रमित डिस्चार्ज भएका हुन्।

तपाईको प्रतिक्रिया

सम्बन्धित समाचार