शेयर कारोवार फेरि बन्द, लकडाउन अवधीभर नखुल्ने

  झझल्को सम्वाददाता  240 पटक हेरिएको

१ जेठ,काठमाडौँ ।
नेपाल स्टक एक्सचेञ्जले शेयर बजार आगामी जेठ ५ गतेसम्म बन्द गर्ने निर्णय गरेको छ।

धितोपत्र बोर्डले शेयर बजार बन्द गर्न निर्देशन दिएसँगै नेपाल स्टक एक्सचेञ्जको बिहीबार बसेको सञ्चालक समितिको बैठकले लकडाउन अवधिभर शेयर बजार बन्द गर्ने निर्णय गरेको हो।

काठमाण्डौमा पनि कोरोनाको विरामी देखिएको र बिहीबार (जेठ १ गते) बाट लकडाउन कडा भएकोले लगानीकर्ताको स्वास्थ्यलाई समेत ध्यानमा राखेर शेयर बजार बन्द गर्ने निर्णय गरिएको नेप्सेले जनाएको छ।

चैत ११ गतेदेखि बन्द भएको शेयर कारोबार गत मंगलबार (बैशाख ३० गते) देखि साविकका नियमहरुमा केही परिवर्तन गरी दैनिक २ घण्टाका लागि बजार खोलिएको थियो। कारोबार भएका दुबै दिन नेप्से नकारात्मक सर्किट लागि तोकिएको अवधिभन्दा अगावै बन्द भएको थियो।

तपाईको प्रतिक्रिया

सम्बन्धित समाचार